2018 ඔක්තෝබර් 28 කලාපය 15 හොරිකඩයා පිළිබඳ ජැක් ලන්ඩන්ගේ මේ අමරණීය නිර්වචනය කොයි ද්‍රෝහියාටත් එක සේ ගැළපේ ! දෙවියන් වහන්සේ ගැරඬියා, ගෙම්බා සහ ලේ වවුලා සාදා නිම වීමෙන් පසු, යම්කිසි විෂඝෝර පිඬුවක් ඔහු අත ඉතිරි විය.ඔහු එයින් හොරිකඩයකු සාදා නිම විය. හොරිකඩයෙක් යනු, කස්කුරුප්පුවක් වැනි වක ගැසුණ ආත්මයක් ද දිය භරිත වූ මොළයක් ද ජල්ලි සහ මැලියම් සම්මිශ්‍රණයෙන් සැදුණා වූ පිට කොන්දක් ද සහිත කකුල් දෙකේ සතෙකි.අන් අන් අයගේ හදවත් ඇත්තේ යම් තැනක ද එතැන හොරිකඩයා සතුව ඇත්තේ කුණු වූ ප්‍රතිපත්ති නම් ගඩුවකි. හොරිකඩයකු වීදියට පැමිණි කල් හි මිනිස්සු පසුපස හරවති; සුර දූතයෝ දෙව්ලොව්හි වැළපෙති;ඔහු එළියේ තැබීම පිණිස යක්ෂයෝ නිරයේ ද්වාරයන් වසා දමති. සිය සිරුර ගිල්වා තැබීමට සෑහෙන තරම...